iran tashqi ishlar ministiri taliban tashqi ishlar ministir wekili bilen körüshti

türkiye awazi radiyosi xewiri: iran tashqi ishlar ministiri hüseyin emir abdullahiyan taliban tashqi ishlar ministir wekili emirxan mutteqi bilen körüshti.

iran tashqi ishlar ministirliqining bayanatida bildürülishiche, ministir hüseyin emir abdullahiyan iqtisadiy we siyasiy mesullardin teshkillengen heyet bilen resmiy uchrishishlarda bolush üchün paytext téhrangha yétip kelgen taliban tashqi ishlar ministir wekili mutteqi bilen körüshken.

körüshüshte, iran tashqi ishlar minstiri abdullahiyan afghanistanda hemmini öz ichige alghan bir hökümetning qurulushi toghrisida toitilip, afghanistan xelqige qiliniwatqan insanperwerlik yardemlerni dawamlashturidighanliqlirini éytqan.

u amérikaning afghanistangha qaratqan siyasetlirini tenqid qilip, washington hökümiti tonglatqan afghanistan mal-mülüklirining, insaniy xirajetler we iqtisadiy kirizisning hel qilinishi üchün erkin serp qilishqa ruxset qilinishi kéreklikini eskertti.

u 1998-yili iranning mezari sherif konsulxanisida toqquz diplomatning öltürülgenlikini xatirilitip, talibanning diplomatik orunlarni tesis qilish mesuliyitini ada qilishini telep qildi.

afghanistan heyitimu térrorluq teshkilati daésh we zeherlik chékimlikke qarshi turush kürishini chüshendürüp, amérikaning afghanistan siyasitini tenqid qildi.

körüshüshte yene, ikki dölet otturisidiki su mesilisining muzakire qilinghanliqi we mutexessislerning bu mesile toghrisida yighin échishi qarar qilindi.