blinkén natoning sherqiy qaniti elliri diplomatiye ministirliri bilen körüshti
amérika qoshma ishtatliri tashqi ishlar ministiri antoni blinkén «buxarést 9 dölet guruhi» depmu atilidighan shimaliy atlantik ehdi teshkilatining sherqiy qaniti ellirining tashqi ishlar ministirliri bilen körüshti.
türkiye awazi radiyosi xewiri: amérika qoshma ishtatliri tashqi ishlar ministirliqi bayanatchisi néd prays, bu heqte élan qilghan bayanatida, mundaq dédi: «tashqi ishlar ministiri antoni blinkénning shimaliy atlantik ehdi teshkilatining sherqiy qaniti döletlirining diplomatiye ministirliri bilen élip barghan uchrishishida, rusiyening ukraina chégrasini boylap qoshun orunlashturushi, ittipaqdash küchlirining ammiwi mudapie üchün teyyarliq paaliyetliri, shimaliy atlantik ehdi teshkilatining keskin tedbir qollinishigha qarita tughuluwatqan éhtiyaj we ortaq endishe mesililiride, atlantik okyandin halqighan hemkarliq heqqide muzakire élip bérildi, blinkén, rusiye bilen ukraina otturisidiki sürkilishni mudapie we diyalog arqiliq peseytishning muhimliqini eskertti, hemde amérika qoshma ishtatlirining atlantik okyandin halqighan barliq ittipaqdashlirimiz we hemrahlirimiz bilen qoyuq meslihet we maslishishni saqlap qélish ehdiside turidighanliqini tekitlidi.»
bir qisim ezalirini, bulghariye, chéxiye, éstoniye, wéngiriye, latwiye, litwaniye, polsha, ruminiye we slowakiye qatarliq döletler teshkil qilidighan «buxarést 9 dölet guruhi», 2015 – yili 4 – nbr küni, ruminiyening paytexti buxaréstta qurulghanidi.
