yawropa ittipaqi sayahet tizimlikini yéngilidi
yawropa ittipaqi hindonéziyeni «kowid – 19» yuqumi sewebidin yolgha qoyuluwatqan sayahet cheklimisidin kechürüm qilinidighan döletler tizimlikige ilawe qildi.
türkiye awazi radiyosi xewiri: yawropa ittipaqi kéngishining bildürüshiche, yawropa ittipaqigha eza döletlerge mejburiy bolmighan sayahetler üchün yolgha qoyuluwatqan cheklimilerni tedrijiy emeldin qaldurush tewsiye qilinghan döletler tizimliki yéngilanghan.
yéngilanghan zitimlikke asasen, yawropa ittipaqi döletlirining argéntina, awistiraliye, behreyin, kanada, chili, kolumbiye, hindonéziye, iyordaniye, kuweyt, nambiye, yéngi zélandiye, péru, qatar, riwanda, seudi erebistan, jenubiy koréye, ereb birleshme xelipiliki, urugway we teywenge qarita sayahet cheklimiliri bikar qilinidiken.
yawropa ittipaqi döletliri puqralirining sayahet qilishigha yol qoyghan teqdirde, xitayghimu chégralar échiwétilidiken.
yawropa ittipaqining yéngilanghan we hindonéziye ilawe qilinghan tizimliki, eza döletlerge meslihet bérish xaraktérlik bolup, cheklesh küchige ige emes iken, tizimlik her ikki heptide bir qétim yéngilinidiken.
tizimliktiki döletlerdin yawropa ittipaqigha sayahetke barghili bolsimu , emma yoluchilargha tekshürüsh we karantin qilish qatarliq qoshumche tedbirlermu qollinilidiken.
tizimliktin orun almighan döletlerge, yawropa ittipaqi ellirining sayahet cheklimisi dawamliq ijra qilinidiken.
yawropa ittipaqi, 2020-yili martta, «kowid – 19» yuqumining tarqilishining aldini élish üchün, mejburiy bolmighan sayahetlerge cheklime qoyushni qarar qilghanidi.
