daéshning meqsiti afghanistanda mezhep urushini bashlash
amérika bashchiliqidiki nato qisimliri afghanistandin chékingendin kéyin, afghanistan shieliri, daéshning hujumlirigha duch keldi. qendeherdiki shie din ölimaliri térrorluq teshklati daéshning mezhep urushini bashlashqa urunuwatqanliqini bildürdi.
türkiye awazi radiyosi xewiri: qendeherdiki shie din ölimaliri térrorluq teshklati daéshning mezhep urushini bashlashqa urunuwatqanliqini bildürdi.
shie ölimaliri térrorluq teshkilati daéshning amérika afghanistandin chékingendin kéyin, qunduzda we qendeharda shie jamelirige hujum qilghanliqini؛ buningdiki meqsetning mezhep urushi bashlash ikenlikini, emma muweppeqiyet qazinalmaydighanliqini tekitlidi.
shie kéngishining bashliqi we qendeharning jüme imami serdar muhemmed zahidi 15-öktebir (2021) jüme namizi jeryanida daésh hujumi yüz bergende imamliq qiliwatqan bolup, héchqandaq ziyan-zexmige uchrimidi.
u bayanatida: «partlashlarning meqsiti, hazirghiche daéshning aktip mewjut ikenlikini dunyagha körsitish» dégen idi.
qendeharda toqquz yil jüme imami bolghan we afghanistan shielirining dahiysi ayetullah eli sistanining wekili hüseyin nuri shurperayi daésh hujumlirining arqisida isirailiye bilen gherb küchlirining barliqini bildürdi.
jüme imami we shie medriseliride mudderslik qiliwatqan baridad rizai shie-sünniy xelqliri arisida heqiqiy ittipaqliqning barliqini eskertip: «islam düshmenliri bu ittipaqliqning dawamlishishini xalimaydu» dédi.
