dunyadiki eng bay 20 dölette karbon qoyup bérish miqdari köpeymekte
b b s kilimat ochuq-ashkariliq doklatini élan qilip, dunyadiki eng bay 20 dölette karbon qoyup bérishning téz éshiwatqanliqini bildürdi.
türkiye awazi radiyosi xewiri: b b s kilimat ochuq-ashkariliq doklatini élan qildi.
doklatta, wuxen wirusi wabasi sewebidin 2020-yili %6 töwenligen karbon oksid nisbitining, bu yil (2021) G20 döletliride %4 ashidighanliqi otturigha qoyuldi.
doklatta, xitay, hindistan we argéntina qatarliq döletlerning 2019-yildiki karbon qoyup bérish miqdarining ashidighanliqi؛ tash qatma yéqilghulirining izchil qollinilishi sewebidin yer sharining issip kétishini tizginlesh tirishchanliqlirining tesirige uchrighanliqi qeyt qilindi.
yer sharining issip kétishige seweb bolghan karbon qoyup bérishning texminen %75 ge G20 döletlirining mesul ikenliki tekitlengen doklatta, bu yil (2021) G20 döletliride kömür ishlitish miqdarining %5 ashidighanliqining mölcherlengenliki qeyt qilindi.
doklatta yene, bu éshishning texminen %60 ge xitayning mesul ikenliki, amérika bilen hindistanda kömür ishlitish miqdarida éshish körülgenliki bildürüldi.
yene bir tereptin, bay döletlerde quyash we shamal énérgiyesidin paydilinish nisbitidimu zor éshishlarning emelge ashqanliqi bildürülgen doklatta, 2020-iyli %10 bolghan qayta paydilanghili bolidighan énérgiye menbelirining %12 chiqqanliqi eskertildi.
