iran «samsung» we «LG» shirketlirining aile éléktir saymanlirini import qilishni cheklidi
iran pirézidénti ibrahim reisi, döletning rehbiri eli xamenéyning yolyoruqigha asasen, jenubiy koréyening «samsung» we «LG» shirketlirining aile éléktir saymanlirini import qilishni meni qildi.
türkiye awazi radiyosi xewiri: iran rehbiri eli xamenéy pirézidént ibrahim reisige mektup yollap, importning «yerlik ishlepchiqarghuchilarni halsiritip qoyghanliqi, buning aldini élish kérek»liki toghrisida körsetme berdi.
pirézidént reisi, munasiwetlik ministirliqlargha jenubiy koréyening ikki shirkitidin aile éléktir saymanlirini import qilishni cheklesh toghrisida höjjet chüshürdi.
iran pirézidénti 10 – séntebirdiki bayanatida, amérika qoshma ishtatliri jaza yürgüzüshni bashlighan 2018 –yili irangha salghan meblighini chékindürgen, hemde irangha mehsulat éksport qilishni toxtatqan jenubiy koréye shirketlirining mehsulatlirigha emdi éhtiyajliq emesliklirini, iranning mezkur dölettin «kontrolsiz mehsulat import» qilishqa yol qoymaydighanliqini tekitligenidi.
jenubiy koréyening éléktiron mehsulatliri ishlepchiqarghuchiliri — samsung we LG, uzun yillar boyiche iranning aile éléktir saymanliri we yanfon bazirigha hökümran bolghanidi.
