girétsiye bash ministiri: türkiye bilen hemkarliq ornitish yolida dawamliq izdinimen
girétsiye bash ministiri kiryakos michotakis türkiye bilen hemkarliq ornitish yolida pütün küchi bilen izdinidighanliqini bildürdi.
türkiye awazi radiyosi xewiri: girétsiye bash ministiri kiryakos michotakis, birleshken döletler teshkilatining 76 – nöwetlik omumiy kéngishi yighinliri dairiside qilghan sözide, türkiye bilen girétsiye otturisida uda bir yildin buyan dawamlishiwatqan sürkilish heqqide toxtilip, girétsiyening, türkiye bilen diyalog qanallirini hemishe ochuq tutush terepdari bolup kengenlikini, 2020 – yili ikki dölet otturisida yüz bergen sürkilishning tekrarlinishini xalimaydighanliqlirini qeyt qildi.
girétsiyening türkiye bilen hemkarliq ornitip, yéngi ortaq düshmenlerge qarshi birlikte küresh qilish mumkinchilikining barliqini ilgiri sürgen michotakis, türkiye bilen kilimat özgirishi we köchmenler mesiliside hemkarliq ornitalaydighanliqlirini, derweqe, tarixiy we jughrapiyelik alahidiliklerning ikki döletni bir - birige yéqinlashturidighanliqini tekitlep mundaq dédi: «türkiye bilen hemkarliq ornitish yolida pütün küchüm bilen tirishchanliq körsitip, dawamliq izdinimen.»