nigériyede görüge élip kétilgen oqughuchilarning bir qismi qoyup bérildi
gherbiy afriqa döliti nigériyede 5 – séntebirde görüge élip qéchilghan 21 oqughuchining on nepirining qoyup bérilgenliki bildürüldi.
1708105
türkiye awazi radiyosi xewiri: nigériye taratqulirining xewerlirige asaslanghanda, görüdiki oqughuchilarning qoyup bérilishi üchün fidiye tölengen.
xewerlerde körsitilishiche, fidiye tölengendin kéyin 10 oqughuchi qoyup bérilgen bolsimu, qalghan 11 oqughuchi hélihem görüge éliwalghan qoralliq guruppining qolida iken.
qoyup bérilgen oqughuchilarning uruq – tughqanliri bilen körüshkenliki, hemmisining salametlik ehwalining yaxshi ikenliki bildürüldi.
qoralliq kishiler 5 – séntebirde bir toluq ottura mektepke hujum qilip nurghun oqughuchini görüge élip qachqan we oqughuchilarning qoyup bérilishi üchün fidiye (tölem) telep qilghanidi.
nigériyede ötken yili görüge élip qéchilghan 1400 oqughuchidin hazirghiche 200 ge yéqini qoyup bérildi.
