antoni blinkén: xeter astidiki afghanistanliqlarni yötkesh üchün tirishiwatimiz
amérika tashqi ishlar ministiri antoni blinkén xeter astidiki afghanistanliqlarning afghanistandin bixeter ayrilishigha kapaletlik qilish üchün tirishiwatqanliqlirini éytti.
türkiye awazi radiyosi xewiri: amérikaning afghanistan ömikining qatarning paytexti dohada xizmetlirini dawamlashturuwatqanliqini bayan qilghan antoni blinkén, taliban emeldarlirining washingitongha sayahet wizisi bar kishilerning afghanistandin xatirjem ayrilishigha ruxset qilidighanliqlirini éytqanliqini élan qildi.
blinkén we amérika dölet mudapie ministiri loyd ostin qatarda uchrishishlarda boluwatqan bolup, taliban hakimyetni tartiwalghandin kéyin, xeter astida qalghan amérikaliqlar we afghanistanliqlarni tarqaqlashturushni telep qilish, ittipaqdashlar arisida daéshqa qandaq jawab qayturush toghrisida ortaq pikir hasil qilish üchün muzakirilerde bolmaqta.
bu dairide, qatar tashqi ishlar ministiri sheyx muhemmed bin abduraxman altani bilen körüshken amérika ministiri blinkén: «shériklirimiz qatar we türkiye bilen paytext kabulni qaytidin eslige keltürüsh we kabul ayrodurumini baldurraq ishqa kirishtürüsh üchün yéqindin hemkarliship xizmet ishlewatimiz» dédi.
qatar tashqi ishlar ministiri sheyx muhemmed bin abduraxman altanimu qatarning kelgüsi bir nechche kün ichide, kabul ayrodurumini yoluchilar üchün xizmetke kirishtürüshni ümid qilidighanliqini, emma ayrodurumni qandaq bashqurush toghrisida téxiche birer kélishim hasil qilinmighanliqini éytti.
