rusiye afghanistan weziyitining muqimlashqanliqini ilgiri sürdi

türkiye awazi radiyosi xewiri: rusiye tashqi ishlar ministirliqi yazma bayanat élan qilip, afghanistanda talibanning hakimiyetni qolgha kirgüzüshidin kéyinki weziyetning yéqindin közitilgenlikini otturigha qoyghandin kéyin: «qolimizdiki uchurlargha asaslanghanda, paytext kabul we afghanistan miqyasida weziyet muqimlashmaqta. taliban jemiyet muqimliqini ishqa ashurushqa bashlidi we yerlik xelq bilen chet el diplomatik orunlirining bixeterlikige kapaletlik qilidighanliqigha wede berdi. afghanistandiki barliq tereplerni zorawanliqtin saqlinip, weziyetni tinchliq usulda hel qilishqa yardemchi bolushqa chaqirimiz» dégenlerni qeyt qildi.

rusiyening kabuldiki elchixanisining xizmitini dawamlashturidighanliqi tekitlengen bayanatta, afghanistandiki yéngi hökümet wekilliri bilen alaqe ornitishning dawamlishiwatqanliqi bildürüldi.