mérkél: afghanistandiki özgirishler tolimu échinishliq
gérmaniye bash ministiri angéla mérkél afghanistandiki özgirishlerning xelqara jemiyetke nisbeten tolimu échinishliq ikenlikini éytti.
türkiye awazi radiyosi xewiri: mérkél, bu heqte élan qilghan bayanatida, afghanistandiki özgirishlerdin achchiq – sawaqlarni yekünleshning zörürlükini, kabul ayrodurumining jiddiylikini, talibanning pütkül döletni kontrol astigha élishi lazimliqini tekitlep mundaq dédi: «afghanistanning nöwettiki weziyiti gérmaniye we ittipaqdashliri üchün adettin tashqiri derijide échinishliq özgirishtur.»
xelqara jemiyetning uda 20 yildin buyan afghanistanda térrorizmgha qarshi küresh qiliwatqanliqini qeyt qilghan mérkél, emma xelqara jemiyetning pilanini emelge ashuralmighanliqini, tirishchanliqlarning muweppeqiyetsizlik bilen netijilengenlikini eskertish bilen bir waqitta, afghanistandin otturigha chiqqusi köchmenlik dolquni heqqide agahlandurush bérip mundaq dédi: «bizning asasliq nishanimiz, bizge biwasite yardem bergenlerning afghanistandin sirtqa chiqilishidur, lékin hazir kabulda heriket qilish imkaniyiti qalmidi, köpligen insanlar hazirqi ehwaldin qorqmaqta, afghanistanliqlarning qoshna döletlerde turushni dawamlashturushigha qaraymiz, 2015 – yilqi xataliqni tekrarlashni xalimaymiz, bundaq ehwallarda qoshna döletlerge yardem we qollash teklipi sunimiz.»
