angéla mérkél afghanistan mesiliside türkiye bilen hemkarlishish kéreklikini éytti
gérmaniye bash ministiri angéla mérkélning afghanistandiki yéngi weziyettin kéyin, türkiye bilen yéqindin hemkarlishish kéreklikini éytqanliqi ilgiri sürüldi.
türkiye awazi radiyosi xewiri: «bélt géziti» xiristiyan démokratlar partiyisi menbelirini asas qilghan xewiride, mudiriyet yighinigha éntérnét arqiliq qatnashqan bash ministir mérkélning afghanistan weziyiti toghrisidiki köz qarishini ortaqlashqanliqi bildürüldi.
xewerde, gérmaniyening afghanistanda kishilerge yerlikni asas qilghan halda yardem qilish paaliyiti bilen shughullanghanliqi we éhtimalliqi yuqiri bolghan panahlanghuchilar dolquni terepke diqqetni tartip, «buningdin bashqa yene, biz türkiye bilen yéqindin hemkarlishishimiz kérek» dégenliki ilgiri sürüldi.
afghanistandin chékinish qararining axirida amérikiliqlar teripidin chiqirilghanliqini éytqan mérkélning, amérika eskerliri chékingendin kéyin, buning tizma tash tesiri yaratqanliqini tekitlep, «biz achchiq saetlerni bashtin kechüriwatimiz. hazir biz qutquzushqa merkezlishishimiz lazim» dégenliki bildürüldi.
