tutqundiki oqughuchilarning qoyup bérilishi üchün 2 milyon 400 ming dollar fidiye tölendi
nigériyede qoralliq unsurlar teripidin tutqun qilinghan oqughuchilarning qoyup bérilishi üchün 7 ay ichide 2 milyon 400 ming dollar fidiye tölendi.
türkiye awazi radiyosi xewiri: «panch» gézitining xewirige qarighanda, nigériye dölet bixeterlikige munasiwetlik bir doklatta, döletning qiyin bixeterlik mesilisige duch kelgenliki otturigha qoyulghan.
xewerde körsitilishiche, ötken yili noyabirdin bu yilning may éyighiche döletning gherbiy shimalida qoralliq unsurlar teripidin élip bérilghan besh qétimliq hujumda tutqun qilinghan oqughuchilarning qoyup bérilishi üchün 2 milyon 400 ming dollar fidiye tölengen.
nigériye hökümiti qoyup bérilgen oqughuchilar üchün héchqandaq fidiye tölimigenlikini élan qilghanidi.
nigériye hökümiti, döletning bir qisim ölkiliride qoralliq kishilerning motsiklitliq hujumlirining köpiyip kétishidin kéyin motsiklit ishlitishni chekligenidi.
döletning bénu, platéu, katsina we zamfara qatarliq ölkiliride oqughuchilar bir qanche qétim mekteplerdin tutqun qilinip élip kétilgenidi.
mekteplerge qaritilghan hujumlar sewebidin nigériyening bezi ölkiliride oqu – oqutush xizmetliri toxtitip qoyulghanidi.
