«BioNTech» ваксинасиниң ковид-19 ниң делта варийантиға қаршиму үнүми йуқири чиқти
исраилийәдә елип берилған бир тәтқиқатта «Pfizer-BioNTech» ширкәтлири бирликтә тәтқиқ қилип йасап чиққан «BioNTech» ваксинасиниң ковид-19ниң делта түригә қарши %70 үнүмлүк икәнлики оттуриға чиқти.
1669852
түркийә авази радийоси хәвири: исраилийә аммиви тарқитиш ширкити (KAN) ибраний университетиниң «Pfizer-BionNTech» ваксинасиниң делта варийантиға қарши үнүми тоғрисидики тәтқиқат нәтиҗисини елан қилди.
тәтқиқат нәтиҗисидә көрситилишичә, «Pfizer-BioNTech» ширкәтлири бирликтә тәтқиқ қилип йасап чиққан «BioNTech» ваксинасиниң ковид-19 ниң делта варийантиға қаршиму %70 үнүмлүк икәнлики оттуриға чиққан.
исраилийәдә елип берилған илгирики тәтқиқатларда, «BioNTech» ваксинасиниң ковид-19 ниң башқа варийантлириға қарши %95 үнүмлүк икәнлики билдүрүлгән иди.
бу ваксина билән әмләнгән кишиләрниң ковид -19 ниң башқа варийантлири билән йуқумланған тәқдирдиму, кесәллик аламәтлирини көп көрсәтмәйдиғанлиқи уқтурулған иди.
