baghdadta shieler imam ezem ebu henifening meqberisini chéqip tashlash chaqiriqi élan qildi

türkiye awazi radiyosi xewiri: iraq dölet bixeterlik ishliri meslihetchisi qasim arachi imam ezem külliyesidiki meqberisini chéqip tashlash chaqiriqlirigha qarita, baghdadta döletlik istixbarat maslashturush kéngishining ezalirining yighin chaqirghanliqini we yighinda, «jemiyetning tinchliqini hujum nishani qilghan mezhepperest chaqiriqlarni (yeni imam ezem ebu henife en-numanning meqberisini chéqip tashlash chaqiriqlirini) ret qilimiz. bixeterlik qisimlirimiz bu xil chaqiriqlargha eng küchlük qarshi turidu» déyilgenlikini bildürdi.

qasim arachi yene, iraqtiki shielerning eng chong diniy alimi ayetullah eli es-sistani bilen jemiyetning  aldinqi qatardiki jamaet erbabliri we her qaysi iraqliq qebililerning jamaet xewpsizlikige  ziyan yetküzüshni nishan qilghan bu xil chaqiriqlargha qarshi «aldini élish roli» oynishi kéreklikini tekitlidi.

baghdadta radikal shie  guruppilarnimu öz ichige alghan bezi dairiler ijtimaiy taratqu arqiliq paytextning azamiye rayonigha jaylashqan imam ezem ebu henife en-numan meqberisini chéqip tashlash chaqiriqi élan qilghan idi.

buningghan qarita,  imami ezem külliyesi etrapidiki bixeterlik tedbirliri yuqiri sewiyege kötürülgen we dölet bixeterlik ishliri meslihetchisi qasim arachi hemraqliqidiki herbiy qomandanliri bilen azamiye rayonini ziyaret qilip, tekshürüshlerde bolghan idi.

baghdadta bir qanche kün ilgirimu bir guruppa (shieler) «paytextning qurghuchisi» dep bilinidighan abbasi dewrining xelipisi xelipe ebu jafer el mensurning heykilini chéqip tashlash chaqiriqi élan qilghan idi.