kaméla xaris: ayallar we démokratiyeni küchlendürüshke tirishimiz

türkiye awazi radiyosi xewiri: amérika muawin pirézidénti kaméla xaris, ayallarning salahiyitining démokratiyening körsetküchi ikenlikini we barawerlik bolmighan yerde démokratiyening bolmaydighanliqini eskertip, her ikkisini kapaletke ige qilish üchün küresh qilidighanliqlirini bildürdi.

amérika muawin pirézidénti kaméla xaris, birleshken döletler teshkilati (b d t) ning er – ayallar barawerliki we ayallarning kücheytilishi témisidiki her yili chaqirilidighan «ayallarning salahiyiti komitéti»ning 65 – nöwetlik yighinigha sin körünüshlük uchur yollap, démokratiyening künséri zoriyiwatqan bir bésimning astida qéliwatqanliqi we yéqinqi 15 yilning mabeynide dunya miqyasida erkinliklerning körünerlik derijide dexlige uchrishining kishini biaram qilidighan nuqtigha yetkenlikini esketti.

qarar chiqirish méxanizmlirida ayallarning orun almasliqining kemtük démokratiyening körsetküchi ikenlikige isharet qilghan kaméla xaris, ayallarning kücheytilishining démokratiyenimu kücheytidighanliqini qeyt qildi.

«barawerlik bolmisa démokratiye bolmaydu. ayallarning salahiyiti démokratiyening salahiyitidur weamérika her ikkisini kücheytish üchün tirishidu» dégen kaméla xaris, ayallar we démokratiyeni kücheytish üchün dunya miqyasida hemkarliq ornitishning zörürlükini tekitlidi.