baydin hökümiti köchmen balilargha munasiwetlik tunji qedimini basti
amérika hökümiti qanunsiz yollar bilen amérikagha kelgen köchmen yashlarning resmiyiti béjirilgiche turushi üchün dallastiki kongre merkizining ishlitilidighanliqini élan qildi.
türkiye awazi radiyosi xewiri: a p xewer agéntliqi (AP) ning dallas sheherlik kéngishidin alghan melumatlirigha asasen xewiride bildürülishiche, amérika hökümiti 15 yashtin 17 yashqiche bolghan 3 mingghiche köchmen yashning resmiyitige munasiwetlik yéngi qedem tashlashqa teyyarlanmaqta iken.
jo baydin hökümiti amérikaning jenubi chégrasidin qanunsiz yollar bilen kirgen mezkur köchmenlerning resmiyiti béjiriliwatqan waqitta, ularning sharaitlirini yaxshilash toghrisidiki bésimlargha duch kelgen we dallastiki kéy baylé xatchison (Kay Bailey Hutchison) kongre merkizini ishlitishni qarar qilghan.
eskertilishiche, kongre merkizi mushu heptidin bashlap, bu meqsette eng az dégende üch ay ishlitilidiken.
amérika ichki ishlar ministirliqining, bolupmu jenubtiki ishtatlarda köchmen balilar we yashlarning resmiyetliri béjirilgiche turushi üchün yéngi binalarni tayyarlawatqanliqi toghrisidiki uchurlar, taratqulardin orun aldi.
jo baydin pirézidéntliq hoquqini tapshuruwalghandin kéyin, latin amérika döletliridin amérikagha kelgen köchmenler sanida éshish körülgenliki bildürülgen idi.
sabiq pirézidént trampni «köchmen balilargha qarashni nezerdin saqit qilish» bilen eyibligen jo baydin, köchmen balilarning mesililirini hel qilalmighanliqi toghrisidiki eyibleshlerge duch kelgen idi.
