liwanliq shie alim türkiyege minnetdarliq bildürdi
liwanliq shie alim sheyx subhi tufeyli, liwiyede muhim rolni öz üstige alghanliqi üchün türkiyege minnetdarliq bildürdi hemde bashqa musulman döletlernimu türkiyeni ülge qilishqa chaqirdi.
türkiye awazi radiyosi xewiri: sheyx subhi tufeyli, Youtube qanilida élan qilghan «quran kerimde pitne – ighwalarni tügitish, jumhur reis erdoghan yaxshi ülge» témiliq jüme xutbiside, liwiyede hasil qilinghan siyasiy ortaq tonush we türkiye öz üstige alghan ijabiy rolgha munasiwetlik qarashlirini otturigha qoydi.
türkiyening, liwiye mesiliside ikki signal boyiche pozitsiye tutuwatqanliqini we siyasiy pozitsiyesi qobul qilinmighandin kéyin, bashqa tallash xaraktérlik métodlarni ishlitishke yüzlengenlikini éytqan sheyx subi tufeyli, mundaq dep körsetti: «türkler musulmanlarning qimmet qarishini qoghdashta ching turdi, bizmu ulargha rehmet éytimiz, bu mukemmel bir ülgidur, men barliq musulman döletlirining türkiyeni ülge qilishini ümid qilimen.»
jumhur reis rejep tayyip erdoghanning, liwiye we ezerbeyjanda nahayiti yaxshi ishlarni qilghanliqini eskertken sheyx tufeyli, irannimu yemen, iraq, süriye we liwanda yaxshi ishlarni qilishqa chaqirdi.
