xitay amérikani xongkong mesilisige arilishishni toxtitishqa chaqirdi

türkiye awazi radiyosi xewiri: xitay tashqi ishlar ministirliqi bayanatchisi wang wénbin paytext béyjingda ötküzülgen muxbirlarni kütüwélish yighinida, amérika tashqi ishlar ministiri antoniy blinkénning xongkongda 47 neper öktichining qolgha élinishini we sotlinishini eyibligenliki üstide toxtaldi.

wang wénbin xongkong hökümitining qanunning teqezzasi boyiche ish tutqanliqini we buning xongkongning bixeterliki we muqimliqini kücheytidighanliqini tekitlep: «amérikani pakitqa, qanunning üstünlükige hörmet qilishqa shundaqla xongkong mesilisige we xitayning ichki ishlirigha arilishishni toxtitishqa chaqiriq qilimiz» dédi.

tünügün xongkongda 47 neper öktichi «hökümetni aghdurushni pilanlash» bilen eyiblinip qolgha élinghan idi.

xongkongda qolgha élinghan paaliyetchiler bügün gherbiy kowlun rayonidiki bir sot mehkimiside «dölet bixeterlik qanunigha xilapliq qildi» dégen bahane bilen  sot qilinghan idi.

nurghun öktichi guruppilar sotning aldida yighilip naraziliq namayishi ötküzgen we qolgha élinghan paaliyetchilerni qollaydighanliqlirini bildürüshken idi.

engliye, amérika, kanada we bir qisim yawropa ittipaqigha eza döletlerning diplomatik wekillirimu namayishchilargha hemrah bolghan idi.