türk oqughuchi yazghan kitab gollandiye bash ministirini qayil qildi
gollandiye bash ministiri mark rutté esli türkiyelik uniwérsitét oqughuchisining gollandiyediki démokratiye toghrisida yazghan kitabigha intayin köngül bölgenlikini namayan qilip, «kitab heqiqeten méni jelp qildi. köpchilikke chin könglümdin tewsiye qilimen» déd
türkiye awazi radiyosi xewiri: bash ministir mark rutté «De Blackbox Democratie» «démokratiyening qara qutusi» namliq kitabning aptori, 18 yashliq adiyamanda tughulghan dilara bilgichni ishxanisida méhman qildi.
mark rutté dilara bilen ishxanisida ötküzgen uchrishishida, bir dostining tewsiyesi bilen yash türk qizining gollandiye üchün yéngi siyasiy sistémini mezmun qilghan kitabini oqughanliqini we tolimu qiziqishini qozghighanliqini éytti.
dilara bilgich 16 yéshidin tartip yézishqa bashlighan bu kitabigha bash ministirning alahide köngül bölüp özini ishxanisigha teklip qilghanliqidin pexirlengnlikini bildürdi.
dilara bilgich bash ministirning katipi teripidin ishxanigha teklip qilinghanliqini we teklipni qobul qilghanliqini tilgha élip, 112 betlik kitabning aldinqi 80 bétide gollandiyening siyasi sistémisini tehlil qilghanliqini éytti.
dilara bilgich: «men kitabning axirqi bétidiki analizlirimda, gollandiyening siyasiy sistémisi üchün bashqa hel qilish charilirini otturigha qoydum. ijtimaiy mesililer we démokratiye chégishlirigha qarita hel qilish charisi tépishqa tirishtim. méning qilmaqchi bolghinim peqetla bir tepekkür siniqi idi» dédi.
