angéla mérkél türkiyelik köchmen ughur shahin we ayali özlem türechini medhiyelidi
gérmaniye bash ministiri angéla mérkél kowid-19 gha qarshi waksina yasap chiqqan we «BioNTech» ning qurghuchilirining biri bolghan, türkiyelik köchmenlerning ewladliridin piroféssor doktor ughur shahin we ayali doktor özlem türechini medhiyelidi.
türkiye awazi radiyosi xewiri: mérkél gérmaniyening 16 shehiride türkche we nimische tarqitish béridighan «Metropol Fm» radyosigha bergen bayanatida, «waksinani tetqiq qilip yasighanlardin birining esli türkiyelik ughur shahin we uning ayali özlem türechi ikenlikidin tolimu xushal boldum, ular <BioNTech> we <Pfizer> shirkitide waksina üchün ilmiy asas yaratqanlardur» dédi.
«BioNTech» teyyarlighan waksinani 1-ayning béshida yawropada ishlitishke bolidu dep qaraydighanliqini bildürgen mérkél, wuxen wirusi yuqumining aldini élish üchün jemiyetning 70% ning .hmmunitét küchini ashurush kéreklikini tekitlidi.
angéla mérkél: «shunche köp ademge waksina emlesh nechche ay dawamlishidu. deslepte yashanghanlar we sehiye xadimlirini qoghdash kérek. 2021 - yilining kéyinki yérimida téximu köp waksinamiz bolidu, emma qish aylirini oylashqanda, téxi yéterlik waksinamiz yoq» dédi.
angéla mérkél türkiyede aililerge qandaq muhim ehmiyet bérilidighanliqini yaxshi bilidighanliqini chüshendürüp: «türklerde aile chonglirini hörmetlesh intayin muhim, chonglarni qoghdash lazim. türkiyede ailige qanchilik muhim ehmiyet bérilidighanliqini bilimen. lékin, jemiyet immunitét küchige érishken teqdirdimu, yene melum muddetkiche yaxshi köridighan kishiler bilen bolghan ijtimaiy musapeni saqlishimiz lazim». dédi.
