washington pochtisi géziti seudi erebistanni tenqid qildi
amérika washington pochtisi géziti, « G-20guruhi döletliri seudi erebistan hakimiyitining qetliam we qiyin-qistaqlirini körmeske séliwatidu» dep tenqid qilghan maqale élan qildi.
türkiye awazi radiyosi xewiri: amérika washington pochtisi géziti seudi erebistanni tenqid qilghan bashmaqale élan qildi.
bashmaqalide, seudi erebistan hakimiyitining öktichilerni shiddetlik basturghanliqidin we yéqinqi ikki yildin buyan yemendiki qetliamlar sewebidin xünükleshken obrazini yaxshilash üchün milyonlarche dollar serp qilghanliqi qeyt qilindi.
weliehdi shahzade muhemmed bin selmanni «padishahliqning heqiqi rehbiri» dep eskertilgen maqalide, bu hepte axiri seudi erebistan paytexti riyadta échilidighan G-20 guruhi yighinida, bin selmanning obrazini yaxshilash tirishchanliqlirining yuqiri pellige chiqidighanliqi bildürüldi.
2018-yili öktebirde seudi erebistanning istanbuldiki konsulxanisida öltürülgen zhurnalist jemal qashiqchini öz ichige alghan nurghun öktichilerni her xil usulda basturghanliqi tilgha élinghan maqalide: « G-20 guruhi döletliri, bolupmu démokratik dölet rehberliri bu öktemlik dawamlishiwatqan ehwalda seudi erebistanning G-20 ning reisi bolushi yaki sahibxanliq qilishigha ruxset qilinmasliqi kérek idi» déyildi.
G-20 iqtisadiy tereqqiy qilghan döletler arisidin orun alghan 19 dölet we yawropa ittipaqi komitétidin teshkil tapidu.
