папа помпейониң көрүшүш тәлипини рәт қилди

түркийә авази радийоси хәвири: ватикан билән хитай оттурисида түзүлгән икки йиллиқ келишимниң пат арида йеңилинишиға наразилиқ билдүрүш үчүн ватиканни зийарәт қилмақчи болған майк помпейо, папаниң көрүшүшни рәт қилған җавабини алди.

әнглийәниң «индепендент гезити» дә елан қилинған хәвәрдә көрситилишичә, папа йеқинлишиватқан америка сайлими вә трампниң ватикан билән хитайниң келишимигә наразилиқ көрситиши сәвәбидин көрүшүшни рәт қилған.

америка ташқи ишлар министири майк помпейониң ватикан ташқи ишлар министири кардинал пийетро паролин (PietroParolin) вә баш ипископ павл галлағер билән көрүшидиғанлиқи елан қилинди.

ватикан билән хитайниң җәмийәткә тәпсилий ашкариланмиған келишимидә, ватиканниң хитайдики ипископларниң вәзипигә тәйинлишидә пикир билдүрүш һоқуқи болиду.

икки йил бурун келишим түзүлгәндин буйан, хитайда ватикан билән көрүшүш арқилиқ икки ипископ вәзипигә тәйинләнди.