amérika chet ellik oqughuchilargha wiza cheklimisi qoyushni pilanlimaqta

türkiye awazi radiyosi xewiri: amérika taratqulirining xewer qilishiche, tramp hökümiti chet ellik oqughuchilarning wizilirigha 4 yilgha qeder muqim muddet cheklimisi qoyushni pilanlimaqta iken.

amérika qoshma ishtatliri ichki bixeterlik ishliri ministirliqi teripidin sunulghan teklip, tashqi ishlar ministirliqining «térrorizmgha yardem bériwatqan döletler tizimliki» din orun alghan jaylardin amérikagha barghan oqughuchilarning wizisining ikki yil bilen cheklinishini mezmun qilidiken.

mewjut shertler astida amérika qoshma ishtatlirigha barghan oqughuchilar, taki oqush püttürgenge qeder amérikada turalaydiken.

cheklime yolgha qoyulghan teqdirde, oqughuchilarning wizilirining mudditini uzartish üchün, qoshumche waqitqa éhtiyaji chüshidiken, késellik, yaki kontrol sirtida otturigha chiqqan birer sewebni körsitishliri shert bolidiken.

mezkur cheklime ijra qilinishqa bashlisa, «f», «j» we «i» katégoriyeliridiki wiza sahiblirigha tesir körsitidiken.

cheklimining amérika qoshma ishtatliridiki chet ellik zhurnalistlar üchünmu küchke ige qilinishi mölcherlenmekte iken.