pakistanning kontrolluqidiki keshmire  bir kichik qiz hindistan eskerlirining oqida qaza qildi

türkiye awazi radiyosi xewiri: pakistan armiyesi hindistan eskerlirining jüme küni (2020-yili 11-séntebir) kechte uzun musapiliq we éghir tiptiki qorallar bilen kontirolluq liniyesdiki pakistan chégra yéziliridin hotspiring we raxchikrigha «sewebsiz» oq chiqarghanliqini bildürdi.

étilghan oqta 11 yashliq bir qizning qaza qilghanliqi, 75 yashliq ayalni qoshqanda, 4 neper kent ahalisining éghir yarilanghanliqi uqturuldi.

oq chiqarghan hindistan eskerlirige pakistan armiyesiningmu jawab qayturghanliqi eskertildi.

pakistan tashqi ishlar ministirliqimu chégrada sewebsiz oq chiqarghanliqi yüzisidin hindistan elchisini ministirliqqa chaqirghanliqini élan qildi.

hindistan armiyesi bayanatchisi léyténant polkownik dewéndér anand bolsa, pakistan armiyesining shenbe we yekshenbe künliri chégrada bir qisim hindistan herbiy bazilirini hujum nishani qilghanliqini, hindistan eskerlirining qarshi terepning hujumigha tégishlik shekilde jawab qayturghanliqini we hindistan terepte adem ölüsh yaki yaridar bolush hadisisi körülmigenlikini bildürdi.