keshmirde toqunush yüz berdi
hindistanning jammukeshmir rayonida dölet xewpsizlik küchliri bilen yüz bergen toqunushta musteqilliq terepdari 4 tirkeshküchi hayatidin ayrildi.
türkiye awazi radiyosi xewiri: hindistan taratqulirining xewer qilishiche, shopianda rayonida dölet xewpsizlik küchliri bilen tirkeshküchiler otturisida yüz bergen toqunushta, musteqilliq terepdari 4 tirkeshküchi qaza qilghan, biri tutulghan.
hindistan, 2019 – yili 5 – awghust küni maqullanghan tüzitish kirgüzülgen asasiy qanungha asasen, jammu keshmirning alahide salahiyitini bikar qilghan, ölkilik hökümet tüzümini emeldin qaldurup, rayonni merkezke biwasite qarashliq ayrim – ayrim ikki térrotériyege ayrighanidi.
qarardin kéyin, hindistan dölet xewpsizlik küchliri, jammu keshmirde amanliqni saqlash herbiy heriketlirini qoyuqlashturghan we xelq üstidiki bésimlarni kücheytken, kochigha chiqish cheklmisidin sirt yene, intérnét, téléfon we qatnash cheklimilirini yolgha qoyghan, rayondiki yerlik partiyelerning mesulliri we ezalirini qolgha alghanidi.
