girétsiyede bir piroféssor téléwiziyede qilghan sözi seweblik wezipisidin élip tashlandi
girétsiyede piroféssor doktor hristos rozakis «méis arili türkiyege téximu yéqin» dégenliki üchün aliy ilmiy kéngishi ezaliqi wezipisidin élip tashlandi.
türkiye awazi radiyosi xewiri: atina uniwérsitétining piroféssorliridin hristos rozakis, girétsiyede qatnashqan bir téléwiziye pirogrammisida, «méis arili» ning türkiye sahillirigha téximu yéqin ikenlikini éytti, hemde «méis arili» ning girétsiye térrotériyesi ikenlikini ilgiri sürgen riyasetchige jawab bérip mundaq dédi: «esli mesile, <mési arili> ning türkiye sahillirigha nahayiti yéqin bolushidur. aralning qarshi teripidiki sahillar nahayiti uzundur, matérik supisining chégra siziqini belgileydighan asasliq ölchemlerdin birimu del sahillarning uzunluqidur.»
riyasetchining, «hazirghiche girétsiyening su tewelikini 12 déngiz miligha kéngeytishi xatamu?» teriqisidiki soaligha, u mundaq jawab berdi: «girétsiyening nöwette su tewelikini 12 déngiz miligha kéngetkenlikini élan qillalighudek küchining yoqluqini chüshinip yétishi lazim. chünki bundaq bir qedem pütkül ege déngizi mesilisini murekkepleshtürüwétidu.»
rozakis, yuqiridiki sözliri sewebidin, aliy ilmiy kéngishi ezaliqi wezipisidin élip tashlandi.
