nigériye bokoharamning 600 ezasini qoyup berdi
nigériyening sherqiy shimalida boko haram térrorluq teshkilatining pushayman qilghanliqini bildürgen 600 neper ezasi qoyup bérildi.
1454700
türkiye awazi radiyosi xewiri: «bixeter karidor herbiy herikiti» bayanatchisi bamidélé shafa, boko haram térrorluq teshkilatining borno, adamawa we yobé ölkiliride qolgha chüshürülgendin kéyin pushayman qilghanliqini bildürgen 600 ezasining terbiye ishlesh xizmetliridin kéyin qoyup bérilgenlikini uqturdi.
bayanatchi shafa, qoyup bérilgen kona térrorchilarning qaytidin boko haram térrorluq teshkilatigha qatnashmaydighanliqi toghrisida qesem ichkenlikini bildürdi.
nigériyede buningdin ilgirimu boko haramning pushayman qilghanliqini bildürgen 1400 ezasining qoyup bérilgenlikini xatiritilip ötken shafa, nöwette yene 280 térrorchining terbiye ishlesh merkizide ikenlikini sözlirige ilawe qildi.
