бозқир б д т да һәр қайси дөләтләр оттурисида ишәнч турғузиду

түркийә авази радийоси хәвири: б д т муавин баш катипи нихил сес волкан бозқирниң 75-нөвәтлик б д т омумий кеңишиниң башлиқлиқиға сайлиниши тоғрисида тохталди.

у: «баш әлчи волкан бозқир б д т үчүн бир йил бойичә омумий кеңәшкә башчилиқ қилиду. у хизмитидә онларчә йиллиқ дипломатик тәҗрибисидин пайдилиниду. б д т ға әза барлиқ дөләтләрниң қоллишини қолға кәлтүрүши керәк болиду. дөләтләр оттурисида ишәнч турғузуш ирадисини мәмнунлуқ билән қизғин қарши алимән» деди.

у дөләтләр оттурисида ишәнч турғузушниң һазирму һәр даимқидәк илгириләш үчүн керәклик қәдәм икәнликини әскәртип: «баш әлчи волкан бозқирниң пәқәтла һөкүмәтләр ара әмәс, бәлки йашлар, ширкәтләр, академийәләр, айаллар гуруппилири, йәрлик хәлқләр, йашанғанлар вә мейиплар үчүнму мунасивәт орнитиши керәк» деди.

у түркийәгә охшаш дөләтләрниң мусапирлар вә панаһланғучиларға қучақ ечиши тоғрисидиму тохталди.

у сүрийә мусапирлириниң ички уруш сәвәбидин дөлитидин қачқанда қолидики мал-мүлүкләрниң аллибурун түгигәнликини әскәртип: «мусапирларниң еһтийаҗи, болупму түркийәгә охшаш саһибхан дөләтләрниң вә җәмийәтләрниң, дөләт системиси һәмдә байлиқ мәнбәлиригә бесим пәйда қилиду. түркийә һөкүмити түркийәдики мусапирларни вә панаһланғучиларни изчил қоғдап, уларға йардәм қилип кәлмәктә. бу мәсилигә күчлүк шәкилдә игә чиққанлиқини көрситип бериду» деди.