muawin pirézidént péns özini karantingha aldi
amérika muawin pirézidénti mayk pénsning, bayanatchisi katié millérde wuxen wirusi (kowid – 19) yuqumi bayqalghandin kéyin özini karantingha élishni qarar qilghanliqi uqturuldi.
türkiye awazi radiyosi xewiri: blumbérg qanilining aqsarayni menbe qilghan halda bergen xewirige qarighanda, jüme küni bayanatchi millérde yuqum bayqalghandin kéyin, pénsmu tedbirdin qoldin bérip qoymasliq üchün özini karantingha alghan.
tekshürüshte yuqum yoqluqigha diyagnoz qoyulghan pénsning, her éhtimalliqni nezerde tutup bir mezgil öyide xizmet qilidighanliqi qeyt qilindi.
pénsning karantin qarari toghrisida aqsaray yaki uning ishxanisi hazirghiche héchqandaq resmiy bayanat bermidi.
peyshenbe küni pirézidént donald trampning muhapizetchilirining birining wuxen wirusini yuqturuwalghanliqigha diyagnoz qoyulghandin kéyin, jüme küni muawin pirézidénti mayk pénsning bayanatchisi millérningmu wirus yuqturuwalghanliqigha diyagnoz qoyulghanidi. shu küni, trampning aqsaray meslihetchisi bolghan qizi iwanka trampning yardemchisi we bashqa 11 neper mexpiy razwitka xadimidimu wuxen wirusi yuqumi bayqalghanidi.
