türk mutexessis terepidin yasap chiqilghan waksina amérikida insanlargha sinaq qilinmaqta
gérmaniyede turushluq türk mutexessis proféssor doktor ughur shahin biyo téxnika shirkiti «BioNTech» bilen shérikliship yéngi tiptiki tajisiman wirus (kowid-19) gha qarshi kanditat waksina yasap chiqqan idi.
türkiye awazi radiyosi xewiri: yéngi tiptiki tajisiman wirus (kowid-19) gha qarshi gérmaniyediki türk mutexessis proféssor doktor ughur shahin qurghuchi shérik bolghan biyo téxnika shirkiti «BioNTech» amérikaning «Pfizer» dora shirkiti bilen birlikte tetqiq qilip yasap chiqqan kanditat waksinasini insanlargha sinaq qilishni bashlidi.
amérikaning «Pfizer» dora shirkiti teripidin élan qilinghan bayanatta, «BNT162» namliq waksinaning kilinikiliq sinaqlirining gérmaniyediki muweppeqiyitidin kéyin emdilikte amérikada insanlargha sinaq qilinishqa bashlinidighanliqi bildürüldi.
bayanatta, bu waksinaning mariland uniwérsitéti we nyu-york uniwérsitétining dawalash fakultétliridiki sinaq qilish obéktiliri üstidimu sinaq qilinghanliqi uqturuldi.
bayanatta, buning amérikidiki deslepki basquchta, 18-55 yash we 65-85 yash arisidiki ikki katégoriye boyiche 360 saghlam insangha sinaq qilinidighanliqi bildürüldi.
eger bu sinaqning 18-55 yashqiche bolghan kishilerde ünümlük we bixeter bolghanliqi éniqlansa, 65-85 yashqiche bolghan kishilerdimu sinaq qilinidighanliqi chüshendürüldi.
sinaqta waksinaning bixeter we ünümlük ikenliki békitilgen teqdirde, mushu yilning axirighiche amérikada keng kölemlik tarqitilishqa bashlinidighanliqi tekitlendi.
