nigériyede qoralliq hujum yüz berdi
nigériyening platu (Plateau ) ishtatida yüz bergen qoralliq hujumda 10 kishi jénidin ayrildi.
türkiye awazi radiyosi xewiri: nigériye taratqulirida, platu ishtatida qoralliq hujum yüz bergenliki xewer qilindi.
nigériye taratquliridiki xewerlerde qeyt qilinishiche, platu ishtatining bassa rayonidiki kwal (Kwal) yézisida kimliki namelum kishiler qoralliq hujum peyda qilghan. hujumda 10 kishi jénidin ayrilghan we nurghun kishi yarilanghan. köpligen öylerge ot ketken we nurghun haywanlarmu köyüp ketken.
platu ishtati saqchi idarisining bayanatchisi simon ubah ogaba (Simon Ubah Ogaba) qoralliq hujumning yüz bergenlikini toghrilidi, emma ölüm-yétim heqqide melumat bermidi.
u weqe yüz bergen jaygha xewpsizlik qisimlirining ewetilgenlikini we munasiwetlik tekshürüshlerning bashlanghanliqini bildürdi.
nigériyede yéqinqi waqitlarda qoralliq kishilerning motosiklitlar bilen hujum weqesi peyda qilishi sewebidin, bezi ishtatlarda motosiklit minishni chekligen idi.
mezkur rayon charwichiliq bilen shughullinidighan fulanilar bilen déhqanchiliq bilen shughullinidighan bezi qebililer otturisida shiddetlik toqunushlargha sehne bolmaqta.
mal-charwilirini otlitish üchün nigériyening jenubigha köchken fulanilar, déhqanlarning charwilirini oghrilashqa urunghanliqini we özlirige hujum qilghanliqini ilgiri sürmekte.
