iranda yéngi tughulghan bir bowaqta wuxen wirusi bayqaldi

türkiye awazi radiyosi xewiri: shimaliy qibris türk jumhuriyitide bügündin bashlap her küni saet 21:00 din 06:00 giche kochigha chiqishni cheklesh qarar qilindi. bir gérman sayahetchi wirustin yuqumlinip qaza qilghan shimaliy qibris türk jumhuriyitide yuqumlanghanlar sani 69 ge yetti.

2700 din artuq yuqumlanghuchi qaza qilghan iranda, yuqumning yene kem dégende 2 ay éghir bolushni dawamlashturushi mölcherlenmekte. pirézidéntliq mehkimisi, ilim- pen, téxnologiye we uchur iqtisadiy orgini bayanatchisi kerim kerimi ijtimaiy taratqu hésabatida, koronaning aldini élish we uninggha qarshi turush merkizining kowid – 19 yuqumining yönilishige munasiwetlik bir – biridin perqliq 5 xil sénariyeni öz ichige alghan doklatni hembehirlidi. buninggha asasen, 6 - ayning bashlirighiche 5 xil ehwalning hemmiside xewipning yuqiri bolushni dawamlashturidiken. prézidént hesen ruhani, kowid -19  wirusi sewebidin dölet miqyasidiki cheklimilerning mudditining 8 - aprélghiche uzartilghanliqini, qaidige xilapliq qilghan bimarlarning jazalinidighanliqini élan qildi. yene bir tereptin, meshhed shehiride yéngi tughulghan bowaqta kowid - 19 wirusining bayqalghanliqi bildürüldi.

ezerbeyjanda kowid – 19 yuqumigha qarshi kochigha chiqish cheklimisi élan qilindi. hazirghiche 4 adem qaza qilghan, 273 ademde wirus bayqalghan ezerbeyjanda, sehiye, ul - eslihe, qatnash we arqa sep, yémeklik ishlepchiqirish, néfit, tebiiy gaz we banka qatarliq bir türküm sahe xizmetchiliri cheklimining sirtida qaldurldi. metbuat xadimlirimu sirtqa chiqip paaliyetlirini élip baralaydu.

10 nepiri ghezzede bolup ishghal we muhasire astidiki pelestin zéminlirida kowid - 19 din yuqumlanghuchilar sani 116 ge yetti. shuning bilen bir waqitta, ghezzening kowid – 19 gha qarshi kürishide, türkiyening rayongha salghan türkiye - pelestin dostluq doxturxanisi ümid bolidu. türkiye, türkiye hemkarliq we koordinatsiye agénitliqi – tikaning bayanatigha qarighanda, mezkur organ teripidin sélinghan pelestinning eng chong sehiye merkizi ghezzediki pelestin - türkiye dostluq doxturxanisini, jumhur reis rejep tayyip erdoghanning yolyoruqigha asasen, kowid – 19 gha taqabil turush xizmetliri dairiside pelestin terepke ötküzüp bergen.

iraqta wuxen wirusidin yuqumlinip qaza qilghanlar sani 46 ge, yuqumlanghuchilar sani 630 gha yetti. salametliki eslige kelgen 152 kishi balnisttin chiqti.

israiliye bash ministiri bunyamin nétanyahuning meslihetchilirining biride yuqum bayqilip, karantin qilinishni qarar qildi. israiliye sehiye ministirliqining sanliq melumatigha qarighanda, israikiyde 18 yuqumlanghuchi qaza qilghan, yuqumlanghuchilar sani 4831 ge yetken.

yuqum sewebidin qaza qilghanlar sani aljiriyede 35, marakeshte 33, iyordaniye 5 ke yetti؛ tunistan qaza qilghanlar sani 10 gha, yuqumlanghuchilar sani 362 ge yetti.

afghanistanda bir kishi wirustin yuqumlinip qaza qildi, jemiy yuqumlanghuchilar sani 174 ke yetti.