seudi erebistan hamas ezalirini sotlashni bashlidi
seudi erebistanda tutup turuluwatqan pelestinlik we iyordaniyelik hamas herikitining ezaliri sotlinishqa bashlidi.
türkiye awazi radiyosi xewiri: hamas herikitining bayanatchisi hazim qasim seudi erebistan organlirining pelestinlik rehberlik qatlimidikilerni tutup, sotqa tartishining tolimu azabliq ish bolghanliqini éytti.
bayanatchi hazim qasim hamasning bu weqeni eyibligenlikini we tutulghanlarning derhal qoyup bérilishini telep qilghanliqini bildürdi.
tünügün (8-mart) seudi erebistan jinayi sot mehkimiside sotqa tartilghan muhemmed el xudari (81) ning inisi abdulmajid el xudari, akisining hamasning rehberlik qatlimida ikenlikini we 2018-yili apréldin bashlap tutup turuluwatqanliqini qeyt qildi.
abdulmajid xudari akisi bilen jiyeni hani el xudarining tünügünki sotida, «térrorluq teshkilatigha eza bolush we teshkilatqa iqtisadiy jehettin yardem qilish» bilen eyiblengenlikini eskertti.
abdulmajid xudari 2-qétimliq sotning ramizan (2020) éyining 12-küni échilidighanliqini bildürdi.
hamas herikiti 2020-yili 9-séntebir 20 yildin buyan seudi erebistan bilen «munasiwetlerni bashqurushqa mesul» bolup wezipe ötewatqan we teshkilatning rehberlik qatlimidiki muhemmed el xudari hemde uning oghlining tutulghanliqini élan qilghan idi.
merkizi jenwege jaylashqan yawro-aqdéngiz kishilik hoquq közitish öyi 2019-yili 6-séntebir bayanat élan qilip, seudi erebistanning xudarini öz ichige alghan 60 pelestinlikni sewebsiz tutqanliqi toghrisida melumat bergen idi.
