malayshiyada yoluchi ayropilanining matorigha ot ketti
malayshiyaning kota baru shehiridin uchmaqchi bolghan, «OD 1231» seper numurluq malindo hawa yolliri shirkitige tewe yoluchi ayropilani qozghilishqa teyyarliniwatqan peytte matorigha ot ketti.
türkiye awazi radiyosi: lion hawa yolliri guruhining shöbe shirketliridin birsi hésablinidighan we merkizi ishxanisi malayshiyada turushluq malindo hawa yolliri shirkitige tewe «ATR 72–600» tipliq yoluchi ayropilani kota barodiki sultan ismail pétra ayrodorumidin subangdiki sultan abduleziz shah ayrodorumigha uchush aldida turghanda kashila chiqti.
43 yoluchi we 7 ayropilan xadimi bilen uchush aldida turghan ayropilanning matorliridin birsige ot ketkenkenliki we seperning emeldin qaldurulghanliqi bildürüldi.
ayropilandiki yoluchilar subanggha uchidighan yene shu hawa yolliri shirkitining ikkinchi qétimliq ayropilanigha yollandi
shirkettin élan qilinghan bayanatta, matorgha ot kétish weqesining sewebliri tekshürüliwatqanliqi bildürülup, yüz bergen kashila sewebidin yoluchilardin kechürüm soraydighanliqi uqturuldi.
