süriye asasiy qanun komitéti yighini axirlashti
süriyelik herqaysi tereplerning ishtirak qilishida jenwede chaqirilghan asasiy qanun komitéti yighinining deslepki bölümi axirlashti.
türkiye awazi radiyosi xewiri: birleshken döletler teshkilati süriye alahide wekili géyr pédérsén, özining riyasetchilikide chaqirilghan, süriyening yéngi asasiy qanunini tüzüp chiqidighan komitét yighinining deslepki bölümining tamamlanghanliqini, komitétning 45 kishilik layihe guruppa ezaliri teshkil qilish mesiliside birdeklik hasil qilghanliqini, layihe guruppisining düshenbe künidin étibaren xizmet ishleshke bashlaydighanliqini bildürdi.
150 kishidin teshkil tapqan ezalar söz qilghan olturushlarda, süriye hökümiti, öktichiler we ammiwi teshkilatlarning wekilliri asasiy qanungha alaqidar pilan – layihelirini otturigha qoyghanidi.
igilinishiche, düshenbe küni peqet 45 kiishlik guruppa ezalirila ishtirak qilidighan olturushlarning bashlinishi pilanliniwatqan bolup, süriye kirizisini siyasiy yollar arqiliq hel qilish meqsitide teshkil qilinghan asasiy qanun komitétining qarar maqulliyalishi üchün, komitét ezalirining kem dégende % 75 tining qollap awaz bérishi shert iken.
