bin selman baghdadining öltürülgenliki munasiwiti bilen trampqa rehmet éytti
seudi erebistan text warisi shahzadisi muhemmed bin selmanning amérika pirézidénti donald trampni tebrikligenliki bildürüldi.
türkiye awazi radiyosi xewiri: seudi erebistan text warisi shahzadisi muhemmed bin selmanning, daésh kattibéshi ebubekir elbaghdadi ölük halette qolgha chüshürülgen zerbe bérish herikiti munasiwiti bilen amérika pirézidénti donald trampni tebrikligenliki bildürüldi.
aqsarayning muawin bayanatchisi jud déri yazma bayanat élan qilip, tramp bilen muhemmed bin selmanning téléfonda körüshkenlikini, téléfon söhbitide muhemmed bin selmanning daésh kattibéshi baghdadi ölük halette qolgha chüshürülgen zerbe bérish herikiti munasiwiti bilen trampni tebrikligenlikini, trampning bolsa, bin selmangha «seudi erebistanning amérika bilen bolghan küchlük shérikchilikini dawamlashturghanliqi» üchün rehmet éytqanliqini uqturdi.
buningdin bashqa téléfon söhbitide rayon we ikki dölet munasiwetlirige alaqidar mesililerning muzakire qilinghanliqi qeyt qilindi.
daésh kattibéshi ebubekir baghdadi amérika alahide heriket qisimlirining 8 tik uchar ayropilan bilen idlibning shimalida élip barghan bir qétimliq zerbe bérish herikitide ölük halette qolgha chüshürülgenidi.
amérika pirézidénti donald tramp, baghdadining özi turuwatqan öyning astidiki ayighi chiqmas bir tonélgha kirgendin kéyin üstige kiyiwalghan adem bomba hujumi jilitkisini partlitip, yénidiki üch bala bilen birlikte ölgenlikini élan qilghanidi.
