washington pochtisi géziti jemal qashiqchigha atap mexsus sehipe hazirlidi

türkiye awazi radiyosi xewiri: washington pochtisi géziti seudi erebistanliq zhurnalist jemal qashiqchining istanbuldiki seudi erbistan konsolxanisida öltürulgenlikining 1 – xatire yilida, jemal qashiqchiningmu maqaliliri élan qilinip kelgen «dunyawi qarash» namliq sehipisining serlewhisini «jemal qashiqchi؛ yoqalghan bir awaz, yangrighan omumiy xor» dep özgertti. 

washington pochtisi gézitining muherriri fréd hayt sehipisidiki kirish sözide, «bir yil ilgiri seudi erebistan text warisi shahzade muhemmed bin selman, bir talash-tartishni söngek herideydighan here bilen axirlashturalaydighanliqini oylidi. muhemmed bin selman jesur we söyümlük kespdishimiz jemal qashiqchini öltürüsh arqiliq uning awazini basturushta utuqqa érishti. biraq, bu sehipide körüp türüpsilerki, talash– tatish hazirmu dawamlashmaqta. chünki qashiqchigha hayat bexsh etken erkinlik, démokratiye, mötidilliq we medeniyetler ara téximu köp chüshinishni emelge ashurush izdinishlirini asanliqche basturup qalghili bolmaydu» dédi.

mezkur sehipide jumhur reis rejep tayyip erdoghanning jemal qashiqchi jinayitige alaqidar maqalisidin bashqa yene, qashiqchining layiqi xetije jengiz, «dunyawi qarash» sehipisining tehriri karén attiah, nobél mukapatigha érishken yazghuchi tewekkül karman, «Pulitzer» mukapatigha érishken amérikaliq yazghuchi dawid ignatiyus, seudi erebistanliq kishilik hoquq paaliyetchisi iyad el baghdadi, amérikaliq démokratchilar palata ezasi rob ménéntiyus qatarliqlarningmu maqalilirigha alahide orun ajritildi. 

sehipide yene amérikaliq hejwiy resim mahiri tom tolésning qashiqji jinayitige alaqidar sizghan resimlirimu birla serlewhe astida jem qilindi. 

sehipidiki maqaliler ingilizchidin bashqa yene, ereb tilidimu élan qilinidu.