mérkél: iran toghrisida ijabiy uchrishishlar ötküzüldi
gérmaniye bash ministiri angéla mérkél, tereqqiy tapqan 7 dölet guruhining irangha alaqidar muzakiriliri üstide toxtaldi.
türkiye awazi radiyosi xewiri: gérmaniye bash ministiri angéla mérkél, firansiyening biarritz shehiride chaqirilghan tereqqiy tapqan 7 dölet guruhi bashliqlar yighinida muzakire qilinghan mesililer toghrisida melumat berdi؛ u, iran mesiliside yaxshi we ijabiy söhbetlerning ötküzülgenlikini bildürüp, «hemme iranning yadro qoraligha ige bolmasliqi mesiliside hempikir idi we hemme buning muzakire qilish arqiliq otturigha qoyulghan bir charige tayinip ishqa ashurulushini xalaydu» dédi.
firansiye pirézidénti émanuél makronning iran tashqi ishlar ministiri muhemmed jewad zerif bilen ötküzgen uchrishishi toghrisida tereqqiy tapqan 7 dölet guruhigha eza ellerning bashliqlirigha melumat bergenlikini bildürgen mérkél, yighindiki söhbette, sürkilishning téximu ulghiyip ketmesliki we yadro kélishimige alaqidar söhbetlerni qaytidin ötküzüsh – ötküzmeslik mesililirining muzakire qilinghanliqini qeyt qildi.
