«erbildiki hujum pilani qendil téghida tüzüldi»
iraq kord rayonluq hökümiti erbildiki türkiye konsulxanisining xadimi shéhit qilinghan hujum yolyoruqining bölgünchi térrorluq teshkilati p k k teripidin chüshürülgenlikini uqturdi.
türkiye awazi radiyosi xewiri: erbil jamaet xewpsizliki idarisi teripidin bu heqte élan qilinghan yazma bayanatta eskertilishiche, hujumning bash jawabkari mezlum dagh bilen birlikte 6 kishi tutulghan bolup, dölet xewpsizlik küchlirining sot mehkimisining qararigha asasen weqe bilen chétishliqi bar shexslerni axturp tutush paaliyetliri izchil dawamlishidiken.
erbil dölet xewpsizlik küchliri 20 iyulda élan qilghan bayanatida, türkiyening erbil bash konsulxanisi xadimi shéhit qilinghan hujumni élip barghan térrorchi mezlum dagh we uninggha yardem bergen muhemmed bisksizning tutulghanliqini uqturghanidi.
erbilde 17 – iyul küni bir réstoranda yüz bergen qoralliq hujumda, türkiyening erbil bash konsulxanisining xadimi bir diplomat shéhit qilinghan, ikki iraq puqrasi hayatidin ayrilghanidi.
