iraq erbildiki hujumning ikki dölet munasiwetlirige tesir qilalmaydighanliqini bildürdi
iraq türkiyening erbildiki konsulxanisining bir diplomat xadimini shéhit qilghan hujumning, baghdad we enqere otturisidiki tarixiy we istratégiyelik munasiwetlerge tesir körsitelmeydighanliqini bildürdi.
türkiye awazi radiyosi xewiri: iraq tashqi ishlar ministirliqi türkiyening erbildiki diplomatining shéhit qilinghanliqi toghrisida bayanat élan qildi.
bayanatta: «türkiyening erbildiki diplomatining jénidin ayrilishigha seweb bolghan hujumni qattiq eyibleymiz» déyildi.
ministirliqning, hujumning tepsilatliri we arqidiki seweblirining éniqlinishi üchün xewpsizlik tarmaqlirining tekshürüshlirini yéqindin közitip turuwatqanliqi alahide tekitlengen bayanatta, mundaq déyildi:
«bu xain hujumni baghdad bilen enqere otturisidiki tarixiy we istratégiyelik munasiwetlerge tesir körsitelmeydu, ortaq menpeetlerni emelge ashurush üchün, ikki dost dölet ornatqan yéqinlishish tirishchanliqlirinimu ajizlitalmaydu.»
tünügün (17-iyul) iraqning erbil shehiridiki bir réstorantqa qilinghan hujumda, türkiyening erbildiki konsulxanisining bir diplomati shéhit bolghan, ikki iraq puqrasi jénidin ayrilghan idi.
