washington bilen béyjing soda söhbetlirini qaytidin bashlash toghrisida kélishti
amérika qoshma ishtatliri pirézidénti donald tramp bilen xitay dölet reisi shi jinping, ikki dölet arisidiki soda söhbetlirini qaytidin bashlash toghrisida kélishti.
1227388
türkiye awazi radiyosi xewiri: shinxua xewer agéntliqi, donald tramp bilen shi jinpingning yaponiyening osaka shehiride chaqirilghan 20 dölet guruhi bashliqlar yighini jeryanida bir saettin artuq sözleshkenlikini bildürdi.
tramp bilen shi jinpingning amérika bilen xitayni ortaq güllendürüsh mesiliside birdeklik hasil qilghanliqigha isharet qilinghan xewerde, ikki rehberning, amérika – xitay iqtisadiy we soda söhbetlirini barawerlik we özara hörmet asasida qaytidin bashlash toghrisida kélishkenliki tekitlendi.
amérika qoshma ishtatlirining xitaygha qarita yéngidin qoshumche baj qoymaydighanliqi tekitlengen xewerde, ikki döletning iqtisadiy we soda söhbetliri xadimlirining diqqitini mueyyen nuqtilargha merkezleshtüridighanliqi qeyt qilindi.
