«maduro: belki bir küni mushu téléwiziye tiyatiri sayisida musulman bolimen, dédi»

türkiye awazi radiyosi xewiri: türkiye jumhuriyiti tashqi ishlar ministiri mewlüt chawushoghlu, wénézuéla pirézidénti nékolas maduroning özige tirilish – ertughrul téléwiziye tiyatiri toghrisida toxtilip, «bu téléwiziye tiyatiri heqiqiy islamiyetni ögitidu we belki bir küni mushu téléwiziye tiyatiri sayisida musulman bolimen» dégenlikini éytti.

chawushoghlu, antalyada alaaddin keykubat uniwérsitéti amfi tiyatirxanisida ötküzülgen «yashlar söhbetliri» pirogrammisigha türkiye radiyo – téléwiziye idarisining körüsh rékortlirini yaratqan tirilish – ertughrul téléwiziye tiyatiridiki artislarning kiyimlirini kiygen atliq kishiler teripidin qarshi élindi.

tirilish – ertughrul téléwiziye tiyatirining artisliridin engin altan düzyatan, nurettin sönmez we jelal al, rézhissor metin günay, sénarist we filim ishligüchi mehmet bozdagh qatarliqlar ishtirak qilghan söhbet pirogrammisida söz qilghan chawushoghlu, tirilish – ertughrul téléwiziye tiyatirining bir bölümining alanyada süretke élinghanliqini, bu bölümlerning ikki heptidin kéyin tarqitilidighanliqini éytti.

ministir chawushoghlu séntebir éyida wénézuélagha barghinida ayrim uchrishishlardin kéyin tirilish – ertughrul téléwiziye tiyatirini süretke élish meydanini ziyaret qilghanda tartqan yéngi bir widéoni madurogha körsetkenlikini eskertip, «maduro hayajan ichide ornidin turup ketti. téléwiziye tiyatiridiki isimlarni bir – birlep tilgha élip ötkendin kéyin peskoygha chüshti we <bu téléwiziye tiyatiri heqiqiy islamiyetni ögitidu we belki bir küni mushu téléwiziye tiyatiri sayisida musulman bolimen> dédi. bularni anglighinimizda iptixarlinimiz we xushal bolimiz» dédi.

téléwiziye tiyatirida ertughrulning rolini alghan artis engin altan düzyatanmu, «bu xil layiheler körünginidek asan emes. hemme nersining bir gewde halitide heriket qilishigha toghra kélidu. barliq paramétirlar toghra birleshti we manga, alidighan rolgha ishinip qolumdin kelgenni qilish qalghanidi» dégenlerni qeyt qildi.