xuen guaydo piyade yürüsh uyushturidighanliqlirini élan qildi
wénézuélada özini «waqitliq pirézidént» dep élan qilghan dölet parlaménti bashliqi xuen guaydo wénézuélagha insanperwerlik yardemlirining kirishige ruxset qilinishi üchün piyade yürüsh herikiti uyushturulidighanliqini élan qildi.
türkiye awazi radiyosi xewiri: wénézuéla pirézidénti nikolas maduroning qanunluq ornini étirap qilmighan amérika qatarliq gherb dunyasi hemde latin amérikadiki nurghun döletler étirap qilghan xuen guaydo, paytext karakastiki dölet parlaméntida ötküzülgen axbarat élan qilish yighinida, insanperwerlik yardimi, piyade yürüsh we saylam teklipliri heqqide söz qildi.
öktichi rehber xuen guaydo yawropa ittipaqigha eza yene 10döletning qollishigha érishkenliklirini bildürüp: «bundin kéyin 4-féwral, dunyaning wénézuéla xelqining pidakarliqini étirap qilghan bir kün süpitide xatirilinidu» dédi.
u yawropa ittipaqining étirap qilish qararini bergen ezalirigha teshekkür éytip, «bash elchi» lerni we bu döletlerde xizmet qilidighan diplomatik xadimlarni élan qilidighanliqlirini bildürdi.
u insanperwerlik yardemlirining kolombiye, biraziliye we puérto riko arqiliq kirishige wénézuéla armiyesini ruxset qilishqa chaqirdi. u mundaq dédi:
«bu yardemler wénézuélagha kirishi lazim. hey wénézuéla armiyesi, bular séning anang üchün, singling üchün. eger yardemler kirmise ölümge mehkum bolimiz.»
u mezkur insanperwerlik yardemlerning wénézuélagha kirishini kapaletke ige qilish üchün piyade yürüsh uyushturidighanliqlirini élan qildi.
u wénézuélada éqip yürgen ichki urush éhtimalini ret qildi we %90 din artuq xelqning özini qollaydighanliqini, ichki urush éhtimalining yoqluqini eskertti.
