конгода бөлгүнчи күчләр нурғун адәмниң җениға замин болди

түркийә авази радийоси хәвири: конго демократик җумһурийитиниң шәрқидә уганданлиқ бөлгүнчи күчләр, йәрлик хәлққә һуҗум қилип 27 адәмниң җениға замин болди.

йәрлик таратқуларда бу һәқтә чиққан хәвәрләрдә, угандалиқ бөлгүнчи күчләрниң конгониң шәрқигә җайлашқан бени районида бир һәптидин буйан изчил террорлуқ һуҗуми садир қилип келиватқанлиқи билдүрүлди.

билдүрүлүшичә, бөлгүнчи күчләрниң ойча шәһиридә түнүгүн елип барған һуҗумлирида 17 адәм өлгән.

инсаний йардәм органлириниң билдүрүшичә, уганда 1986-йилдин буйан һакимийәт бешида туруп кәлгән йовери мусәвәнигә қарши 1990-йили қурулған уганда «мустәқилчиләр» тәшкилатиниң садир қилған һуҗумлирида һазирғичә миңдин артуқ адәм өлгән.

конгониң шәрқидә 1995-йилдин буйан паалийәт қилип келиватқан уганда «мустәқилчиләр» тәшкилати уганда һөкүмити вә б д т тәрипидин террорлуқ тәшкилатлар тизимликигә киргүзүлгәниди.