seudi erebistan bash teptish emeldari  istanbul bash teptishi bilen körüshti

türkiye awazi radiyosi xewiri: melumatlargha qarighanda, istanbul jumhuriyet bash teptishi irfan fidan bilen körüshkendin kéyin, edliye mehkimisidin ayrilghan seudi erebistan bash teptish emeldari mujeb ning, seudi erebistanning stanbuldiki bash konsulxanisida tekshürüsh élip bérishi kütülmekte iken.

 alaqidar tarmaqlarning bildürüshiche, enqere seudi erebistandin jamal qashiqchi weqesi bilen chétilip tutulghan 18 seudi erebistanliqni türkiyege tapshurup bérishini telep qilghan, emma riyad enqerening bu telipige téxiche jawab qayturmighan.

igilinishiche, jamal qashiqchi weqesini tekshürüsh jeryanida heyran qalarliq bir tepsilat otturigha chiqirilghan. seudi erebistanning istanbul bash konsulxanisigha ait aptomobillar jinayettin 3 kün ötkendin kéyin, 5 – öktebir küni tazilanghan.

seudi erebistanning istanbul bash konsuli muhemmed uteybening resmiy aptomobili, aptomobil yuyush mulazimet ornida tepsiliy tazilanghan.

«‹ Washington Post › géziti» yazghuchisi jamal qashiqchi, 2 – öktebir küni resmiyetlirini béjirish üchün seudi erebistanning istanbuldiki bash konsulxanisigha kirgendin kéyin iz - déreksiz yoqap ketkenidi.

seudi erebistan hökümiti 20  - öktebir küni élan qilghan bayanatida, 2 – öktebir küni istanbul bash konsulxanisigha kirgendin kéyin iz - déreksiz yoqap ketken seudi erebistanliq zhurnalist jamal qashiqchining «konsulxana binasida yüz bergen patparaqchiliq netijiside ölgenlikini» jakarlighanidi.

jamal qashiqchi weqesini tekshürüwatqan türkiye dairilirining bildürüshiche, jinayet aldin pilanlanghan iken.