selman jamal qashiqchi heqqide söz qildi
seudi erebistanliq zhurnalist jamal qashiqchi öltürülgendin buyan bu heqte tunji qétim söz qilghan seudi erebistan text warisi shahzade muhemmed bin selman, weqeni éniqlap chiqish üchün türkiye bilen hemkarlishiwatqanliqlirini éytti.
türkiye awazi radiyosi xewiri: jumhur reis rejep tayyip erdoghan bilen téléfonda körüshken selman, kéyinche élan qilghan bayanatida, mundaq dédi: «seudi erebistan bilen türkiye munasiwetlirini buzushqa urunuwatqanlar bar, ular padishah selman, men we jumhur reis rejep tayyip erdoghan bar yerde hergizmu meqsitige yételmeydu.»
jamal qashiqchining öltürülüsh weqesining tolimu échinishliq weqe we intayin adaletsiz hadise ikenlikini eskertken selman, bu weqeni éniqlap chiqish üchün türkiye bilen hemkarlishiwatqanliqlirini eskertish bilen bir waqitta, adaletning haman ghelibe qilidighanliqinimu sözlirige ilawe qildi.
seudi erebistanliq islahatchilargha nisbeten muhim munber hésablinidighan «‹weten› géziti» ge muhim töhpilerni qoshqan hemde gherb taratqulirida ottura sherq rayonigha munasiwetlik xewerliri bilen tonulghan jamal qashiqchi, 2 – öktebir küni resmiyetlirini béjirish üchün seudi erebistanning istanbuldiki bash konsulxanisigha kirgendin kéyin iz - déreksiz yoqap ketkenidi.
seudi erebistan hökümiti 2 - öktebir küni istanbul bash konsulxanisigha kirgendin kéyin iz - déreksiz yoqap ketken seudi erebistanliq zhurnalist jamal qashiqchining «konsulxana binasida yüz bergen patparaqchiliq netijiside ölgenlikini» étirap qildi.
