qatarda jumhur reis erdoghanning saylam zepiri tebriklendi
qatarning paytexti dohada jumhur reis rejep tayyip erdoghanning saylam zepirini tebriklesh paaliyiti ötküzüldi.
türkiye awazi radiyosi xewiri: qatarda yashawatqan süriyelik sodigerlerdin fehd hemed elazab elmeshhedani teripidin ötküzülgen paaliyetke, türkiyening doha bash elchisi fikret özer, dohadiki türk mekteplirining mesulliri, süriye öktichiler we ibqilabiy küchler milliy ittipaqining sabiq bashliqi muaz elxatib, süriyelik öktichilerning wekilliri we onlarche süriyelik ishtirak qildi.
paaliyette, süriyeliklerdin teshkil tapqan bir ilahiy (diniy naxsha) ömiki jumhur reis rejep tayyip erdoghan we türkiye tonushturulghan shéir we qesidilerni oqudi.
türkiyening doha bash elchisi özer paaliyette qilghan sözide, dohadiki paaliyetni uyushturghan süriyeliklerge rehmet éytti hemde bu paaliyetning ikki dölet xelqliri otturisidiki chongqur munasiwetning özige xas mahiyitini ispatlap bergenlikini qeyt qildi.
süriyelikler namidin söz qilghan meshhedani bolsa, jumhur reis rejep tayyip erdoghanning 24 – iyun jumhur reislik we parlamént ezaliri saylimida qazanghan zepirining rayon xelqi we islam ümmitining zepiri ikenlikini tekitlidi.
