gérmaniye éghir tor hujumigha uchridi

+ türkiye awazi radiyosi xewiri: gérmaniyening «‹ DPA› xewer agéntliqi» ning bixeterlik menbelirige asaslinip xewer qilishiche, « APT 28» namliq xakkérlar guruppisi ötken yilning bashliridin tartip hazirghiche dölet mudapie ministirliqi we tashqi ishlar ministirliqining sistémilirigha mexpiy hujum qiliwatqan bolup, mezkur orunlar buningdin bulur dékabir éyida  xewer tapqan.

xewerde déyilishiche, mezkur guruppidiki xakkérlarning bir qismi rusiyediki hakimiyet béshidiki shexslerge yéqin kishilerdin dep perez qilinidiken.

igilinishiche, bu guruppa 2015 – yilimu fédéral mejlisning sistémisigha hujum qilghan iken.

ichki ishlar ministirliqimu gérmaniyening intérnét tor sistémisining téxnikiliq qurulmisi bilen döletning intérnét tor sistémisining hujumgha uchrighanliqini bildürdi.

gérmaniye tor bixeterlikini qoghdash dairilirining bildürüshiche, nöwette tor hujumigha taqabil turulghan bolup, tor hujumi jeryanida qanchiliq matériyallarning oghrilap kétilgenliki tekshürülmekte iken.

alaqidar tarmaqlar hujum gumandari dep qariliwatqan rus xakkérlar guruppisining yawropa ittipaqidiki bashqa döletlernimu nishan qilghan bolush éhtimalliqi üstide izdenmekte iken.