голландийәдә бир җамәгә от қойуветилди
голландийәниң шималиға җайлашқан драчтен шәһиридики маракәшликләр көп баридиған бир җамәгә от қойуп берилди.
түркийә авази радийоси хәвири: кимлики намәлум бир киши голландийәниң шималиға җайлашқан драчтен шәһиридики ислам мәркизи драчтен вәхписиниң җамәсигә от қойуп берип, җамәни бузғунчилиққа учратти.
драчтен вәхписиниң мәсуллиридин халид беннаҗәвур һуҗумни әйибләп: «бамдат намизиға кәлгән җамаәт җамәдә май пуриқиниң барлиқини ейтқан иди. пешин намизиға кәлгинимиздә җамәниң арқисида көйүк излирини вә деризиләрниң сунғанлиқини байқидуқ. камераниң син көрүнүшлиригә қариғанда, бир киши җамәниң арқидики деризини сундурғандин кейин, от алидиған суйуқлуққа от йеқип қечип кәткән» деди.
у әһвални сақчиларға мәлум қилғанлиқини, вәқәгә мунасивәтлик тәкшүрүшләрниң башланғанлиқини билдүрди.
مۇناسىۋەتلىك خەۋەرلەر
украина май ейи киргәндин буйан русийәниң төт уруш айропиланини етип чүшүрди
украина донетсик районида русийәгә тәвә Su-25 типлиқ уруш айропиланини етип чүшүрди.
исраилийә хәлқи нетанйаһу һөкүмитигә қарши намайишлирини давамлаштурмақта
исраилийә хәлқи (18 – май) шәнбә күни пүтүн мәмликәт миқйасида кәң көләмлик намайиш өткүзди.